Mizo Elite News hi ṭha i tihzawng a nih chuan min lo Follow dawn nia

Milar Pakhat Nen An In An Em Vangin Miin An Hai Fo Ṭhin

Georgia a mi hmeichhia pasal leh fa pakhat hial nei tawh Teona Chachua hi khawlai a chhuahna vel ah miten an enzui duh hle ṭhin. Mitam takin an lo hai fo bawk.

Teona Chachua phei chuan milar tu nge a an tih pawh 2018 hma lam thleng kha chuan a lo la hre bik lo. Mahsela Reality star, Kendall Jenner hmel nen an lo in ang hle a lo ni a, hei vang hian miten an lo thlir duh hle ṭhin a lo ni.

2018 aṭang beauty blogging a ṭan a, heta ṭang hian hmelhriat a hlawh phah. Kardashian chhungkaw member fans aṭang Comment tam tak a dawng a, an comment tam ber chu Kendall nen an in an thu a ni.

Hemi kum vek hian 5ft 10in a sang he model hi Forbes chuan supermodel hlawh sang ber ah alo puang ve bawk. Teona erawh Kendall aiin 8 inches reng rengin a hniam thung a kum 5 in a upa zawk bawk.

Khawlai a chhuahna ah chuan miten ko dingin Kendall nen an in an zia an hrilh ṭhin. A pasal Giorgi leh a chhungte dang phei chuan Kendall nen engtin emaw tak inzawmna an nei tiin anlo fiamthu chul bawk.

“Video ka buaipui ṭana thlalak ka post chuan Kendall nen a kan in an thu min hrilh ṭhin a. Hmelṭha tak nen min lo khaikhin avangin ka lawm hle a ni” tiin a sawi.

Fans tam tak in Kendall nen an in thu an hrilh fo ṭhin chu atan pawh danglam tak a nih thu a sawi a, a chhan chu hmeichhe satliah leh pangngai ve mai a ni a, atan chuan a mak hle a ni a ti. Kendall bakah hian model Emily Ratajkowski leh actress Sandra Bullock te nen pawh compare a lo hlawh bawk a ni.

DM