Mizo Elite News hi ṭha i tihzawng a nih chuan min lo Follow dawn nia

Mihring Hmanga Sumdawng Thin In An Rukbo Sak A Fapa Zawng In Kum 20 Chuang China Hmuntin A Dapkual Hnuah Dam Takin An Inhmu Ta

I hmangaih leh i ngaih em em kha kum 20 chuang hnu ah han hmuchhuak thar leh ta la engtin nge i awm ang. Thil hlu tak chhar chhuak leh ang mai a ni.

China ram Henan Province a pa pakhat Guo Gangtang hi kum 20 liam ta khan a fapa chu mihring hmanga sumdawng thin human traffickers ten an rukbo sak a, a fapa zawng hian kum tam tak hun alo hmang tawh.

South China Morning Post te tarlan dan in Guo fapa hi rukbo a nih hun hi 21 September 1997 khan a ni. Liaocheng a an chenna in pawn lama a fapa infiam lai chu an ru bo a, a fapa hi kum 2 leh a chan ve chauh a upa a ni nghe nghe.

A fapa bo atang hian rilru na tak leh inthiamlo reng reng in hun alo hmang thin. A rihna zawng zawng thleng in a tlakhniam phah nasa hle a, China rama hmun tin ah motorcycle hmanga tlankual in a fapa zawng hian hun a hmang thin a ni.

Kum 20 chuang zet beidawng lova a zawn hnu ah a fapa nen hian a bo atang a kum 24 ah an inhmu leh thei ta a, China’s Ministry of Public Security te chuan Police in DNA test hmangin thisen a inzawm ngei pafa an nih thu hi an nemnghet.

Guo leh a nupui te hian mittui nen an fapa kum 24 bo tawh chu an kuah leh thei ta a, Liaocheng, Shandong ah chhungkua a intawhkhawmna lawm leh lungchhiat thlak tak an nei a ni.

Guo chuan mittui tla zawih zawih chungin a fapa kuah in “ka naute, ilo kir leh ta” tiin lungchim takin a pawm. He chanchin lawmawm leh lungchhiatthlak bawk si hian China mipui te thinlung pawh a hneh hle nghe nghe a ni.

China ram ah hian mihring hmanga sumdawnna avanga inrukbo na hi a hluar hle. Kum tin naupang sang chuang dawn rukbo an ni thin a, Chinese Criminal law ah naupang rukbo leh sumdawn nana hman hi kum 10 Jail tan bakah pawisa chawi theihna a ni a, a serious viau phei chuan thi tura chungthu relsak theih hial a ni.