Mizo Elite News hi ṭha i tihzawng a nih chuan min lo Follow dawn nia

Michael Jordan Sneakers Man A Bawn Riap Riap, A Record Siam Hmasak A Khum

NBA Legend, Michael Jordan pheikhawk (Sneakers) chu hralhchhuah niin, a lei tu hian Jordan-a pheikhawk leina atan hian sum a seng hnem khawp mai.

Ningani khan American Basketball Player hmingthang Michael Jordan pheikhawk (sneakers) chu US$615,000 a hralh a nih thu Christie’s Auction House chuan a puang.

Air Jordan 1 Highs hi Michael Jordan hian Italy a 1985 exhibition match an khelh ṭum khan a bunchhuak a. A hralh chhuahna man hi India pawisa chuan ₹4,60,14,146 bawr vel a ni hem mai.

Amah ngeiin Record a siam tawh chu khum in record thar a siam zui leh nghal a. May thla khan Air Jordan 1 chu US$560,000 in hralh alo ni tawh a, auction a pheikhawk (sneaker) hralhchhuah tawh a to ber a ni. Chu chu Air Jordan 1 Highs hian a khum leh.

Sneaker ah hian Jordan hian a hming a sign hnan. Tin, a pheikhawk bun hi a size a in ang lo ṭhin bawk a. A veilam 13.5 niin a dinglam size 13 a ni thung.

Economic Times