Mizo Elite News hi ṭha i tihzawng a nih chuan min lo Follow dawn nia

Mi-17V5 Helicopter Chetsualna A Nunna Chan Brigadier LS Lidder Nupuiin A Pasal Vuina Ah Mite Mittui A Ti Tla

A nupui chan tur mawlh a in dah hian a na dawn lutuk. Chhungkaw hlim tak din mek laia nat lawk pawh awm lova a boral san thut chu tawrhthiam a har dawn em mai.

December 8, Nilaini a IAF Helicopter Mi-17V5 chesual a nunna chan zinga mi Brigadier Lakhwinder Singh Lidder vuina ah Brigadier Lakhwinder Singh Lidder nupui Geetika Lidder leh a fanu Aashna Lidder te chuan mitam tak hnuk ti ulhin biangah mittui a luantir.

Brigadier Lakhwinder Singh Lidder nupui Geetika Lidder chuan a pasal kuang chu mittui nen a lo fawp ngawih ngawih. Video atang ringawt pawh in rilru a ti na hle a ni.

An fanu kum 17 Aashna Lidder erawh a kum ngaihtuah in rin aiin a a pa chang a. A pa kuang chungah pangpar dahin tha takin a thlah a, a nu Geetika mawlh hian tawrh thiam har a ti tak zet ani.

‘Kum 17 a upa ka ni tawh a, ka pa hian kum 17 chhung lai chu ka kiangah min awmpui. Ka pa hi ka hero a nih rualin ka thian tha ber a ni bawk tiin a sawi a,a pa chu fuih thin tu a nih thu leh heng an chunga thil thleng pawm harsa hi an tan tha zawka pawm thiam mai a ngaihthu a sawi a ni.

Brigadier Lidder hi June 26, 1969 ah a piang a, January 2021 atang CDS defence assistant a ni a, 1990 khan Jammu and Kashmir Rifles (JAKRIF) ah awm. A vuina ah hian Defence minister Rajnath Singh leh Haryana chief minister Manohar Lal Khattar te an inlan bawk a, an ni bakah service chiefs 3 Indian Army chief General MM Naravane, Indian Navy chief Admiral R Hari Kumar leh Indian Air Force chief Air Chief Marshal VR Chaudhari ten zahna an lantir bawk.

Thlawhna chesuala defence forces personnel thi mi 10 te hi staff officer Lieutenant Colonel Harjinder Singh, Wing Commander Prithvi Singh Chauhan, Squadron Leader Kuldeep Singh, Junior Warrant Officer Rana Pratap Das, Junior Warrant Officer Arakkal Pradeep, Havildar Satpal Rai, Naik Gursewak Singh, Naik Jitendra Kumar, Lance Naik Vivek Kumar leh Lance Naik B Sai Teja an ni. Group Captain Varun Singh chauh he chetsualna a damchhuak awmchhun a nia, tunah Bengaluru a Air Force Command hospital ah enkawl mek a ni.