Mizo Elite News hi ṭha i tihzawng a nih chuan min lo Follow dawn nia

Meth-addict Nupa Te Chuan An Fapa Pianghlim Chu Ruihhlo An Neih Theih Nan An Hralh

Ruihhlo ngawlvei nupa te chuan an fapa pianghlim deuh chauh chu ruihhlo dang a aia sang zawk crystal meth an lei/neih theihna turin nupa dang te hnenah hralh turin inremsiamna an lo neihpui

Online chatting platform aṭang nupa tuak dang fa neih lama harsatna nei te nen an fapa hralh tur hian deal an nei. Heng nupa te hi south-western Chinese city Neijiang a mi an ni a thla hmasa khan child trafficking thubuai an siam sak tih Chinese news outlet Sina chuan a tarlang.

An fapa hi an hralhna te hnen aṭang Police ten an chhanchhuak tawh a, a pi leh pu te hnenah enkawl turin an dah a, an fapa hralh tu te hi Mr Wang leh Ms Zhong an ni a hunrei tak aṭang tawh ruihhlo ngawl veiin leiba pawh an ngah hle. Ms Zhong hian nau a pai lai pawh hian ruihhlo a khawih hi a bansan chuang lo a Meth nasa takin a khawih tho bawk.

Leiba rulh leh ruihhlo dang an neih theih nan an fapa hi hralh nghal turin thutlukna an siam a ni. Ms Zhong hi hmeichhe pakhat Ms Lan nen popular chatting platform, QQ a group aṭang an inhmelhriat a, Ms Lan leh a pasal Mr Chen te chuan fa neih lamah harsatna neiin fa an nei thei lo a tihian an fapa hralh tur in inremsiamna an lo nei a ni awm e.

Ms Zhong hi tun hma pawh in ruihhlo hman, robbery leh child trafficking ah te thubuai neiin tan tir a ni. A fa neih vang vel in a tan hun te pawh an hrethiam.

An fa lei tu Ms Lan chuan Ms Zhong hian a fa chu a enkawl theih dawn loh vangin chhungkaw thar a zawn sak a,chu chu remchangah la in fa an lo awt ve bawk nen pawisa 60,000 yuan (£6,800) pe in an fa hi enkawl atan an lo la a, a pian rual rual a an hnen a hlan nghal turin an ti.

Ms Zhong hian fa a neih rual hian a pasal Ms Wang chuan naute hi hmanhmawh taka la in hospital a chhuahsanpui nghal. Mahse police surveillance hnuai ah awm tih an lo hmaih hlauh a, an thil sual tih rapthlak tak hi hriatchhuah a ni ta a ni.

Ms Lan leh Mr Chen te hian naute nu leh pa te nena an inremsiam dan hi an puang a, a hnu ah Mr Wang leh Ms Zhong te hi hotel room a an awm chu Police Officer te chuan an man.

Mr Wang te nupa hian an fapa hralhna sum te chu lo chen ham ham in crystal meth leh mobile phone thar leina atan ten an lo hmang. Shizhong District People’s Court of Neijiang chuan child trafficking in thiamloh a chan tir a, Mr Wang hi kum 5 tang tura tiin a nupui Ms Zhong chu kum 6 tang tura tih alo ni bawk.

DM