Mizo Elite News hi ṭha i tihzawng a nih chuan min lo Follow dawn nia

Memory Card A Bo Vangin A Fapa A Kaphlum

United State a Chicago a khawsa nu pakhat Fallon Harris (kum 37) chuan chhan ho te avang in a fapa kum 12 mi Kaden Ingram chu a nunna a laksak tih hriat a ni.

Fallon Harris hian a SD memory card tibo ah a fapa hi a puh a,South Chicago a an chenna in ah a fapa chu Memory Card pe tura hrilhin silai nen a lu ah a tin a ni.

Mahse a fapa Ingram hian a nu hnen ah hian Memory Card pek let tur a nei silo. Ms Harris thinrim chuan a silai ken chu hmetpuak in a fapa chu a kap zui ta a ni.

Cook County state’s attorney Eugene Wood chuan audio evidence atang a landan in Ms Harris hian vawikhat silai a hmehpuahna ah a fapa hian nikhua la hria in a tap a, choka chhuat a hliam tuara a fapa a leh reng lai hian phone ah mi a bia.

Phone a hman zawh ah a fapa hnen ah hian Memory card chu pe turin a ti leh. Hemi hnu ah a vawi hnih nan a kap zui leh. Kaden hi a hliam tuar lovin University of Chicago Medical Centre ah a thi tih an puang a ni.

Mipa naupang pa Lavell Ingram chuan a fapa nu hian rilru lam ah harsatna leh damlohna a neih thu sawiin a hma chuan a fapa tan hian a engkim a hlan a ti. Harris hi a fapa thah vangin thubuai an siam sak a, rilru lam natna enkawlna hmun ah hruai tur a tiin bail a chhuah phalsak a nilo bawk.