Mizo Elite News hi ṭha i tihzawng a nih chuan min lo Follow dawn nia

Melania Trump In A Pasal A Ṭan, Donald Trump Tlawm Mai A Tum Lo “Hnehna Kan Chang Ang”

Donald Trump chu chaklo anga sawi a nih hnu lawk ah an nupa inkar chungchang a kangkai chho nghal a, a nupui First Lady, Melania Trump nen an inkar ṭha vak lo ang in thu a thang nasa.

Trump a chak loh rual rual in Melania hian an inneihna hi chhut chah a tum a, White House a chhuahsan hun hi Melania hian minute tin a chhiar tih thlengin tarlan a ni. An nupa inkar chungchang hi Former Trump Aide ten a chhe thei ang berin an lo sawi, Trump leh First Lady te hi White House ah pawh room khat ah an awm lo tih thleng a richhuak.

Trump leh Melania te erawh in an nupa inkar an sawi huai huai ah hian engmah an ṭawngchhuak lo. Mahse Melania chuan Twitter ah a pasal ṭanna thu a tarlang a. Inṭhen vat duh anga sawi a nih reng laia a pasal thlavang a hauh hian an nupa inkar a chhiat loh zia a ti chiang.

Melania hian Twittter ah Vote chhiar dik loh chungchang a sawi a, a dem tak zet bawk “America mipui te hian election fair tak, Engkim dan ang ang tak leh hleih neilo a vote chhiar tur. Democracy kan humhim ang a thil chu a nihna angin a langtlang tur a ni” tiin a sawi a ni.

US President hi tun thleng in a la chiang thei lo a. Media hrang hrang in Joe Biden chu hnehna changtu zawk angin an cheibawl, Donald Trump erawh tlawm a tum hauh lo.

Nimin khan Twitter ah “Hnehna kan chang ang” tiin a la sawi chher chher mai. Trump hian Biden hi chuti maiin a dinhmun a kian lo ang, Trump lam hian thil dik takin kalpui ngei an tum hle. Mike Pompeo, Secretary Of State pawh in Trump chu hneh tu zawk a nih leh ngei tur thu huai tak in a lo sawi ve bawk.