Mizo Elite News hi ṭha i tihzawng a nih chuan min lo Follow dawn nia

Megan Fox i’n a piancham a bialpa Rapper Machine Gun Kelly nen an lawm

A nulat lai ai maha nuthlawi hnu a chhelo zual telh telh Actress, Megan Fox (35) chuan May 16 khan a piancham lawm in, hetah hian a bialpa mingo Rapper, Machine Gun Kelly (31) nen an inzui.

Megan piancham lawmna atang hian an ni pahnih inkar hmangaihna hi a hniam lam aiin san lam a panchho zel tih a hmuh theih a, MGK pawh hian a lunghlu chhar hi midang tawna vul turin thlauh thlak a tum lo bur bawk.

Los Angeles khawpui ah an pahnih te in Romantic date night an hmang a, lawmna pui tak huaihawt nilo mahse an mahni te ringawt pawh in an hlim tawk thawkhat viau a ni.

Piancham neitu ber Megan Fox a vul tha hle a, thuamhnaw sen hlang inbel in, a hmui a hnawih sen hiam bawk a, mipa te tan chuan chhiatloh tih a har ve fu ang le.

A pawilo chin tur tawk in a Satin bra a tilang va va a, abs nalh tak bakah a tattoo thleng pawhin hmuh theih a ni. MGK hian thlalatu te hmuh ah Fox kutah a kai deuh chawt nghe nghe.

Megan Fox hian kum 10 zet pasal atan a neih tawh Brian Austin Green nen an inthenna tur file in, Brian a then hnu ah MGK tang a bel nghal a, May 2020 atang vantlang hmuh theih turin an inzuichhuak tan.