Mizo Elite News hi ṭha i tihzawng a nih chuan min lo Follow dawn nia

Megan Fox In A Bialpa Machine Gun Kelly Pualin A Taksa Ah Tattoo, AMA Red Carpet Ah Mite Mit An La

“Transformer” changtunu hi hetia nuthlawi an nih chhoh tak hnu hian a chhelo tual tual emaw tih mai tur a ni.

Pathianni liam ta khan American Music Awards semna ah Megan Fox hi a bialpa mingo Rapper, Machine Gun Kelly nen Red Carpet an zawh dun a, mite mit fukna ber ah an tang leh. Tun hi an inngaihzawn hnu a pangngai taka Red Carpet an zawh dun hmasak ber tum a ni nghe nghe bawk.

AMA ah khan kum 34 a upa Megan Fox taksa ah thil thar danglam tak mai hmuhchhuah a ni tel a, a taksa ah Tattoo a chhut thar tir.

Fox tattoo thar hian ngaihven a hlawh em em chhan pawh a thu mal Spanish tawnga a chhut tir ‘el pistolero’ hi “the gunman” tih ania, hei hi a bialpa MGK nickname a lo ni ve kher bawk nen a bialpa pual hian tattoo hi a chhut tir a nih rin a ni leh ta fur mai.

“Fox tattoo thar hi MGK nickname ngei a ni chiang lutuk” tiin fans zinga mi chuan Twitter ah a tarlang. MGK hi a hming tak Colson Baker a ni a, a ni pawh hi tattoo lawm uchuak ve tak a ni. A taksa zawng zawng deuh thaw chu Tattoo in a luah khat a, heng a tattoo zingah hian Fox puala a chhut tir pawh a lo inphum ru ve tawh reng maithei bawk.

Megan Fox hi hmangaihna la lungrun tak hmeichhia a ni tih chu a hmangaihte puala tattoo chhut a chinna hian a hril viau. A pasal then tak Brian Austin Green pualin a pum hnuai lamah tattoo a lo nei tawh bawk.

Machine Gun Kelly nen hian thla 6 zen zawn chu tluang takin an inkawp tawh a, an pahnih hian ‘Midnight In The Switchgrass’ ah an inlan dun dawn bawk.

Fox hian a pasal hmasa lakah Noah 8, Bodhi 6, leh Journey, 4 te neiin MGK pawh hian fanu kum 12 a upa a nei mek. Source in a tarlan dan chuan an inngaihzawnna hi hlimhlawp mai mai atan a ni lo a, hma hun lo la awm tur thlenga ruahmanna neiin an serious dun hle tih an tarlang.

People