Mizo Elite News hi ṭha i tihzawng a nih chuan min lo Follow dawn nia

Meerut Phir Unau Te Chunga Covid Hnathawh Hi Chhungte Tan Chuan A Va Na Dawn Em

Gregory Raymond Raphael leh a nupui Soja te, Uttar Pradesh’s Meerut a St Thomas School a zirtirtu hna chelh lai te chuan May 13 khan Phone Call an dawng a, an fapa kum 24 Joefred chu Covid vanga a boral thu hrilh hriat an ni.

A phir pui Ralphred pawh chu a unaupa damdawiin awm na ah vek chuan Covid vang bawk in enkawl a ni a,Joefred boral hnu khan a nu leh pa te hi an ngaih a tha lo sa tawh hrim hrim. A chhan pawh Joefred chunga thleng ang kha Ralphred ah hian a thleng leh mai ang tih an hlauthawng. An hlauhthawn an ngei in a thleng ta reng bawk.

Ralphred an a nu a biak hnuhnung berah pawh kal ve mai tur in rinhlelhawm zawng turin tawngkam a chhakchhuak a. A unaupa thih atang a darkar tam pawh a la liam lo tih ah chuan Raphael hi a boral ve leh ta a ni.

April 23, 1997 khan an piang a, minute 3 chauh in an inthlau. Hmel leh pumrua an in an mai bakah hian kawng dangah pawh in anna chin tam tak an nei a, Hyderabad ah hna an thawk.

April thla liam ta khan lockdown hnuai ah an kum 24 tlinna an lawm. An pa Gregory Raymond Raphael chuan “pakhat chunga a thlen chuan, pakhat zawk chungah a thleng zawm leh ngei ngei. An pianhlim atang khan a ni chiah reng a, Jeofred boral thu kan hriat khan ka nupui hnenah Ralfred hi amahin In ah a haw lo tawp ang tiin ka hrilh a ni” a ti.

Phir te hian pawnlam lang thei mai piah ah hian kawng emaw tak a inzawmna riau an nei thin tih hi a dikna chen a awm thei viau.