Mizo Elite News hi ṭha i tihzawng a nih chuan min lo Follow dawn nia

Math Questions A Thiam Loh Vangin An Zirtirtu In A Hrem Hlum Ringawt Mai

Zirtirtu te hi thiamna min pe tu chu an ni a chawimawi pawh an phu. Mahsela zirtirtu an nih vang maiin an zirlai te chungah hremna na tak an pek ngawt theih chhan a awm lo.

China ram Sichuan a elementary school student chuan zawhna pahnih a chhan dik loh vang mai in an zirtirtu in a hrem a, hremna a tawrh vang hian zirlai hian a nunna chan phah hial in zirtirtu hian a hrem hlum der a ni.

September 10 khan China ah chuan zirtirtute ni Teacher’s day hman a ni a, he hun ah hian kum 10 mi Ning Ning pawh phur taka School kal in an zirtirtu te chu pangpar a pek tur a ken sak bawk.

Zinglam dar 9 velah chuan an zirtirtu hian maths question pahnih a zawt a. Ning Ning hian a chhang dik lo. Hei vang hian zirtirtu hi a thinrim em em a, Ning Ning chu ṭhingṭhit tirin na takin a lu ah te a beng chawrh a, chhuatah a let tawp.

Ning Ning phir pui a unaunu sawidan chuan zirtirtu in hremna a pek vangin amahin a thochhuak thei lo a, kaihthawh a ṭhut tir a ngaih thu a sawi.

Dar 12 a rik hma minute 15 la awm ah chuan zirtirtu hian a pi a phone a, Ning Ning chu a nawmsam loh vangin in lamah hruai haw turin a hrilh. School a a pi a va kal chuan Ning Ning hian a mit pawh meng hleithei lo in a ṭawng thei lo bawk. Damdawiin ah rang taka hruai ni mahse chhan hman lohin a boral.

A pi sawidan chuan an zirtirtu hian tun semester chauh hi ala zirtir. Ning Ning hian an zirtirtu in hrem a hrat lutuk vangin School kal pawh a hreh hle thin tih a sawi bawk.

China a media hrang hrang te chu lungawi lo in thil thlen dan kim chang hriatchhuah an tum a. School principal erawh in call la duh lovin engmah thu kimchang anla hre thei rih lo.

WOB