Mizo Elite News hi ṭha i tihzawng a nih chuan min lo Follow dawn nia

Marvel Film Ah Korean Lemchan Thiam A Tel Ve Dawn

Music Industry a huang an zauh mek laiin lemchan khawvel ah pawh South Korea hian an duai loh zia an tilang chho mek e.

South Korean actor Park Seo-joon (kum 32) chuan MCU zawm in Film chhuak thar tur ‘The Marvels’ ah a chang ve dawn tih puan a ni. The Marvel hi 2019 blockbuster hit ‘Captain Marvel’ sequel na tur a ni.

Park Seo-joon hi an ram Korea ah pawh mipa lemchan thiam ah hriat hlawh ber pawl a ni a, Korean TV Drama hlawhtling tak tak What’s Wrong with Secretary Kim leh Itaewon Class te alo chang tawh.

The Marvel changtu tur ho IMDb’s official The Marvels page in an tarlan ah chuan a hming a chuang vang tawh a,Oscar winner Brie Larson te kiangah a che tla ve ang.

Park Seo-joon hi eng ang in nge Marvel ah hian role a rawn lak dawn tih erawh an la tarlang rih lo. Korean Actor zingah Marvel Cinematic Universe a tel thei Actor 3 na a ni nghal dawn bawk.