Mizo Elite News hi ṭha i tihzawng a nih chuan min lo Follow dawn nia

Maradona Sana Bo Chu Assam Ah Daih An Hmuchhuak

Football legend boral ta Diego Maradona sana, Dubai a vawn that chu rukbo a ni a, thuneitu ten an chhui an chhui hnu ah Assam ah daih an hmuchhuak tih hriat a ni.

Maradona sana hi Assam’s Sivasagar district ah Inrinni khan hmuh a ni a, Sana hi Hublot watch limited edition niin Maradona ngeiin a hming a sign hnan na a ni bawk.

Sana hmuh a nih rual hian a ru chhuak tu Wazid Hussein chu an man nghal tih Assam Chief Minister Himanta Biswa Sarma chuan Twitter kaltlangin a puang.

Assam Police leh Dubai Police te tangkawp in Indian federal law enforcement agencies kaltlangin he thil ah hian an thawk ho a. Sivasagar district Superintendent of Police Rakesh Raushan chuan India Today hnen ah Information tha tak an dawn atangin rukru tu hi an manchhuah theih phah thu a sawi.

Thulakna in a tarlan dan in rukru tu Wazid Hussein hi Dubai a Company ah security guard in hna a thawk thin a, kum in August khan a pa damloh chhuanlam in chawlh a lak hnuah Dubai chhuahsan in Assam ah a let a, Maradona sana a ruk hi a hawn pui ta ani. Wazid Hussein hi eng ang hremna nge pek a nih dawn tih engmah tarlan ala nilo thung.