India ram chhunga cheng te pawh hi khawvel huap ah kan duai tawh bik lo nasa. Manipur tlangval pakhat Niranjoy Singh (kum 24) chuan minute 1 chhung a fingers tips push-ups ti rei thei ber record a siam tih hriat ani.
Niranjoy Singh hian minute khat chhungin a kut tang hmawr te fingertips in vawi 109 push-ups a ti thei a, Record thar siamin Guinness Book of World Records ah a hming a chuangkai leh dawn tih news agency ANI chuan an tarlang.
Niranjoy Singh hi Manipur’s Imphal West district a cheng a ni a, ANI in a tarlan danin January 14 khan Aztecs Sports Manipur ten event an buatsaih ah Niranjoy Singh hian record thar hi a siam. Guinness World Record holder hi vawi hnih lai alo kawl tawh a, a record hmasa ah vawi 105 push-ups ti thei in hei hi a rawn khum leh ta ani.
Video clip hi phochhuah a nih atang thlir a hlawh zui nghal hle. Rei lo te chhungin nuai 2 chuang entu a nei. Minister of Law and Justice, Kiren Rijiju pawh in Twitter ah Niranjoy Singh hi a lawmpui zia a tarlang ve hial bawk.
#WATCH | Thounaojam Niranjoy Singh from Manipur broke the Guinness Book of World Records last week for most push-ups (finger tips) in one minute pic.twitter.com/arSF5ZySUZ
— ANI (@ANI) January 23, 2022
Thla hmasa mai pawh khan Indian hmeichhe pakhat Asha Rani chuan a sam chauh hmangin bus chhawng nei 12,000 kg chuang zet a rit chu alo hnuk kal tawh a, Guinness Book of World Records ah a hming ziah luh ani.