Mizo Elite News hi ṭha i tihzawng a nih chuan min lo Follow dawn nia

Manipal student pakhatin hostel ah a ruka a bialnu hruailuh a tum dan dangdai tak chu manchhuah ani

Hmangaih te tan chuan engkim tih a huam an lo ti thin a lawm. He zirlai pawh hian a bialnu nen a awmhran ai chuan tiin a ruka a bula a awm theih dan kawng chu a ngaihtuah ve hram hram ani.

Karnataka state Manipal city a zirlai pakhat chuan Valentine’s Day lo thleng mai tur chu a bialnu kianga a hman theih nan ruahmanna danglam tak a nei. Hostel lama luh a ngaih si avang chuan a bialnu chu a kianga hruai ve mai tur in thutlukna a siam.

Ngaihtuahna a sen fe hnu ah chuan a bialnu chu thuamhnaw leh bungrua a dahna trolley bag chhungah awm tir mai a rilruk ta a, chutianga a tih chuan tumah in an ringhlel dawn lo ani. Suitcase chhungah chuan a bialnu chu awm tirin ngaihtha tak chuan hostel lam chu a panpui ta ani.

Hostel a thlen chuan hostel enkawltu caretaker mit chu a trolley bag ah a fu nghal chat a, thil pangngai lo awm niin a hre tlat. Zirlai hnen ah chuan engvanga heti khawp a lian luggage keng nge a ni tih zawhna a zawt a, zirlai chuan inringtawk takin Online lama a thil chah te a dahkhawm a ni tih a sawi.

Hostel caretaker chuan a thusawi chu a ring zo tlat lo. A chhungah eng nge awm tih hre turin suitcase chu hawng turin a ti a, zirlai hian pehhel dan kawng mawlh ngaihtuahin luggage a thil awm chu nem leh keh awlsam tak a ni tih a hrilh.

Mahsela caretaker in hawng tura a tih luih tlat vang chuan a hnial thei silo a, suitcase chu an hawn nak chuan a chhungah bungrua reng alo awm lo. Hmeichhe pakhat, a bialnu awm in hostel ah a ruka luhpui a tum zawk tih an hrechhuak ta ani.

Luggage chhunga hmeichhia hi college zirlai ve tho a ni bawk. An awmdan an manchhuah hnu hian hostel atang chhuah tirin suspended an ni a, an chenna ah haw tir an ni tih India Today chuan a tarlang. He thil thleng hi hriat a nih rualin Social Media hrang hrang ah vawrh lar a hlawh hle bawk.