Mizo Elite News hi ṭha i tihzawng a nih chuan min lo Follow dawn nia

Malian Nu In Vawikhat Ah Fa 9 Neiin Record Thar A Siam Phah

Malian hmeichhia pakhat Halima Cisse, 25 chungah awihawm loh leh rin harsa zawk khawp hial thil a thleng a,vawikhat ah fa 9 neiin khawvela tum khat fa nei hnem thei ber World Record a siam der mai.

Halima Cisse hian nau hi Morocco ah hlawhtling takin a nei a, tumah thi awm lovin an damchhuak vek. Hmeichhia 5 leh mipa 4 an ni a, cesarean section in an piang a ni.

A hma in vawikhat a fa nei tam ber record hi California nu ‘Octomum’ Nadya Suleman chuan 2009 khan a siam a, fa 8 neiin hei hi Halima Cisse hian khumin a luah lan ta a ni.

Amah Ms Cisse hi Timbuktu, north of the West African country a khawsa a nia, a naupai hi West African nation’s leaders ten an ngaihven pui em em a, tluang taka a neih theih nan buaipui in March khan Morocco lam a pan.

Damdawiin lam ten ultrasound hmanga an en sak chuan nau 7 nei tur in an sawi a, mahsela ultrasound hian 2 a hmu kimlo palh zawk. Doctor te chuan heng thil hi thleng ngai zen zen lo a ni a, tin nau pai mek tan pawn a risk a san zia leh thih phah theihna khawp hial a ni tih an sawi a ni.

Tualchhung media te tarlan dan in Halima Cisse naupai hi thla 8 vela upa nia an rinlai in Hospital a an kalpui chuan thla 6 lek chauh alo la pai.Bamako, Mali’s capital a Point G Hospital ah chawlhkar 2 a awm phawt a, a hnu hian Mali’s President of Transition Bah N’Daw thurawn ang in Casablanca a Ain Borja private clinic ah admit a ni. Chawlhkar 6 damdawiin a a awm hnu hian May 4 khan nau a nei.

Mali’s health ministry ten Cisse in Caesarean section a fa 9 a neih thu hi statement an chhuah a, Ain Borja ten Associate Press hnen ah thudik a nih ngei thu an nemnghet ve leh nghal. Naute leh a nu te hi dinhmun hlauhawm a an awm loh thu Mali’s health minister, Fanta Siby chuan a sawi bawk.