Mizo Elite News hi ṭha i tihzawng a nih chuan min lo Follow dawn nia

Mahindra showroom a loneitu pakhat Motor lei tum sales executives in mualpho leh zak taka a siam hnenah Bolero an deliver ta

Thu fing pakhat in lehkha bu pawh a kawm tuamna atang ringawt in teh suh tia an lo sawi ang deuh in mi hi an pawnlam landan atang ringawt a teh tur a nilo. Kha i ngaihnep em em kha nang aiin alo ropui daih zawk thei ania.

Hetiang deuh chiah hi Tumukur, Karnataka a Mahindra showroom ah a thleng. Ramanapalya, Tumakuru district ah chuan loneitu pakhat Kempegowda R L chu a thian te nen lirthei tha leh nalh tak lei tumin Showroom an pan tih hriat ani.

Chutia lirthei lei tur an thlek kual thuak lai chuan Showroom nghak tu sales executives lam chuan Kempegowda R L leh a thian te chu an landan atanga an lo en vang vang hnuin lirthei changkang tak lei hmel pu in an hrelo a, an dawngsawng tha duh lo. An hnathawh hmusit zawng in zak taka an siam thu an sawi.

Kempegowda chuan a sawidan in sales executives hian cheng 10 pai hmel pawh an put loh thu a hrilh a, alo chhan dan chuan a rilru a tihnat em vang in a lungawi lo hle ati. Showroom chhuahsan a minute 30 hnu a a kir leh chuan Car leina man tur cheng nuai 10 zet chu a keng ta ani.

A car duhzawng chu book in a rang lama deliver turin a ti ngat bawk. Showroom nghak tu te pawh chu an beisei loh lutuk a loneitu in car leina tur sum tam tham tak a rawn keng ta chu mak an tiin an zak zawk hle.

Mahsela Car hi an duh hun ah hmanhmawh takin an inhlan fel thei lo. A hnuah Mahindra te chuan Karnataka loneitupa hnen ah a Bolero tur chu deliver in an hlan tih hriat ani.

Staff te chetdan mawilo tak hi a darhchhuah hnuah mitam takin Mahindra lam te an dem hle a. Mahindra Group chuan intihmualphona thleng ah hian chhuizui an tum thu leh a tul anga hmalak an tum thu an puang a, Mr Kempegowda lak ah ngaihdam an dil bawk. Mahindra group chairperson, Anand Mahindra meuh pawh thil thleng ah hian a rawn tawngchhuak ve hial nghe nghe ani.