Mizo Elite News hi ṭha i tihzawng a nih chuan min lo Follow dawn nia

Maharashtra Hospital Covid Ward A Kangmei Chhuakah Mi 11 In Nunna Chan

November 6, Inrinni khan Maharashtra a Ahmednagar District Hospital ah kangmei chhuak vangin coronavirus patients 11 ten an nunna an chan tih hriat a ni.

ICU ah hian Covid kai mi 17 admit an ni a, an zinga mi 7 ten vanduaina thlengah hian hliam an tuar a, pakhat phei chu a ngaihtuahawm hle nia hriat a ni. Damlo dang te hi Hospital dangah Covid ward ah vek sawn chhuah nghal an nih thu District Collector Rajendra Bhosle chuan thuthar lakhawmtu te a hrilh.

Kangmei hi dar 11am bawr vela chhuak kha a ni a, kangmei chhuah chhan hi chiang taka hriat ala nilo a electrical short vanga thleng a nih an rin thu Dr Bhosle chuan a sawi. Nunna chan te ruang hi Postmortem tura tih a ni.

Maharashtra Chief Minister Uddhav Thackeray chuan he chhiatna thleng hi a rang thei ang bera chhuizui turin a ti a, Prime Minister Narendra Modi leh Union Home Minister Amit Shah te chuan chhiatna thleng chu pawi an tih thu leh nunna chan ta chhungte an tawrhpuina zia an tarlang bawk.

Nunna chan ta chhungte hnen ah state government chuan cheng nuai 5 theuh zangnadawmna ah a pe dawn tih a puang bawk.