Mizo Elite News hi ṭha i tihzawng a nih chuan min lo Follow dawn nia

Hip Theihna Neih In Ringin Magnet 54 Lai A Dawlh A Surgery Ngaiin A Awm Phah

Prestwich,Greater Manchester a zirlai kum 12 a upa Rhiley Morrison hian toy magnets 54 teh meuh mai a dawlh vangin Surgery neih ngai hial in a awm phah.

Rhiley Morrison hian Magnet thahnem tak a dawlh chhan hi experiment a neihna ah a ni a, Magnet a dawlh hian engtin emaw hip theihna a neih leh neih loh hriat a beisei a ni awm e.

Magnetic ball te hi tum khat ah a dawlh vek lo a, January 1 leh January 4 khan a dawlh a ni. Inthiar ah a chhuah mai a beisei laiin ni 4 na ah pawh a chhuah mai loh vangin a ngaihtha lo chuan a nu Paige Ward hnen ah a hrilh a, damdawiin lam an pan nghal.

X-ray hmanga Doctor ten an enfiah hnu ah mipa naupang pum ah hian Magnet toys te hi an hmuchhuak ta ngei bawk. X-ray ah chuan 25-30 inkar in an hria a, mahsela 54 zawk a lo ni.

Medics lam te chuan magnet hian a kawchhung lam a tihchhiat an hlauthawng hle. Darkar 6 chhung Surgery neih a nih hnu hian hlawhtling takin an phawrhchhuah sak thei hram.

Rhiley nu Paige Ward chuan a fapa hi Science lam tuichilh leh experiment nuam ti tak a nih thu a sawi a, a thil dawlh thahnem tak a hriat tirh khan a thawng ve hle bawk. Nu leh pa dangte chu fimkhur viau turin a chah a ni.