Mizo Elite News hi ṭha i tihzawng a nih chuan min lo Follow dawn nia

Madonna leh a bialpa kum la naupang uchuak tak te

Bawng tar pawh in luangno tho a lawm a duh le. Celebrity te nun chu hetiang mai mai hi a nia, hmangaih taka an invawn hnu rei lo ah an inhnangaihna par a chuai zui ve leh mai.

Chuai thei lo kum 62 a upa Madonna hian a hmangaihna kawng zawha a thlan mipa hi a su fuh tak ang maw. Madonna chuan Paramount+ music documentary Madame X trailer a post ah a bialpa kum la naupang tak nen an inkuah dun riai lai chu hmuh a ni leh ta zuk mai.

Madonna bialpa thar hi Ahlamalik Williams a nia, kum 27 mi lek a ni. Madonna ai hian Ahlamalik Williams hi kum 35 reng reng in a naupang daih zawk. Nu leh fapa awm zawk tak an ang a, mahse hmangaihna chuan pumkhat ah a suihkhawm ve tlat.

Ahlamalik hi professional dancer leh choreographer a ni. Madonna nen hian 2015 atang hna an thawk dun tan. 2013 a Michael Jackson ONE event a perform a neih tum khan ngaihven a hlawh tawh.

A nu rual zet a kawp chungchang ah hian a chhungte pawn rem an tih puilo hran lem lo. A pa Drue Williams chuan kum te chu number mai mai alawm tiin a fapa in nun hlim tak a neih chuan chu aia duhawm a awm chuang lo a ti.