Mizo Elite News hi ṭha i tihzawng a nih chuan min lo Follow dawn nia

Machine Gun Kelly Leh Megan Fox Ten Hmangaihna Par An Tlan, Movie Changdun Dawn Bawk

‘Transformer’ changtunu kum 34 a upa Megan Fox leh ‘Bloody Valentine’ singer, Machine Gun Kelly (kum 30) te chu hmangaihna par tlanin Puerto Rico ah Romantic Vacation neiin hun an hmang dun.

MGK leh Fox te hian an inkar hi Official tak in puangzar kher lo mahse a inhnimhnaih dan leh an awmdun dan vel aṭangin an in ngaizawng ngei a ni tih hi chiang takin a sawi theih.

Megan Fox pawh pasal ṭhen hlim hlawl a ni tih reng hriat hauh lovin MGK ṭang ah a bei nghal chawt a, an nupa inṭhenna hi tuar vak awm pawh in a lang hran lem lo. Hmeichhe thar hlak angin nun a hmang chho tawh zawk.

“Bloody Valentine” music video aṭang khan hmangaihna lipui ah an cheng dun a. Fox hi a pasal Brian Austin Green nen an inṭhen. Brian hian podcast ah Fox hian a kalsan niin a sawi.

Fox leh MGK te hi serial killer movie ‘Midnight In The Switchgrass’ ah an chang dun dawn bawk a, Puerto Rico ah hian Shooting thenkhat an ṭan tawh. An pahnih bakah hian Lukas Haas, Lala Kent leh Madison Bigos te pawh an inlan dawn a Director leh Producer hi Randall Emmett a ni ang.

DM