Mizo Elite News hi ṭha i tihzawng a nih chuan min lo Follow dawn nia

Machine Gun Kelly leh Megan Fox te inhmangaihna a la chuai lo

July thla aṭang khan in an pahnih a an thlalak thar hmuh tur a awm tawh meuh lo. An inzui lai hmuh an nih tak loh vang hian an inkara inhmangaihna chuan dal lam a pan chho ve leh dawn ta niin an ngai. Mahsela a ni teuh lo.

Rapper, Machine Gun Kelly leh a bialnu “Transformers” changtunu Megan Fox te chu an inhmangaihna a la kaltluang in chuai lam reng reng a la pan lo a nia.

Pathianni khan MGK leh Fox te hi Los Angeles ah an inzuichhuak hmuh dun an rawn ni ve leh ta a, chiang ta em em chu inṭhenna biahthu inhlanzai reng an la rel lo a ni. Casual taka thuamhnaw inbel in zan lam thlengin in date in hun an hmang tih report chuan a sawi.

Nuthlawi thar lam Megan Fox hi mipa dang tana kianzai rel san leh mai tur zawng in MGK hian a phal bik teuh lo. Brian nupui hlui chhelo tak hi chan a tum lo bur.

Megan Fox leh Brian te hi 2004 aṭang an in date a,2010 ah an innei. 2015 ah Megan hian inṭhenna a file a, kum in May thla khan an nupa inkar hi an pawtchat fel.

MGK nen an pahnih in upcoming film tur ‘Midnight In The Switchgras’ a inlan tura sawi an ni. Mahsela hrileng vangin chawlh zai an rel leh rih. March thla a pandemic vanga an chawlh hnu ah July thla khan an chhunzawm. Amaherawh chu crew member 2 an positive leh vangin an chawl leh rih tih TMZ chuan a tarlang.

Crew Member pahnih te hi natna langchhuak lo asymptomatic an ni a,rang tak khunghran nghal an ni. Hei vang hian Production lam te hian inven nan chawl rih mai turin thutlukna an siam.

Director Randall Emmett chuan filming hi Santa Barbara ah chhunzawm leh tura ruahmanna siam mek a nih thu a sawi.

DM