Mizo Elite News hi ṭha i tihzawng a nih chuan min lo Follow dawn nia

Machine Gun Kelly leh Megan Fox te hmangaihna in chuai lam reng ala pan thei lo

Thlawi ti ti mahse thlawi bawk hi an larin ngaihven an hlawh zel zawng a nih hi.

Ningani zan khan Hollywood ah mingo rapper, Machine Gun Kelly leh a bialnu Actress, Megan Fox te chu Private Event pakhat an chhim dun a, event an hmang zo an chhuak pawh taksa insi chet chungin inrem takin kut inkai chungin thlalatu te an lo chhawn.

An pahnih hian inngaizawng mah ni se nupa an ang viau tawh zawk. Hmanni a Billboard Awards semchhuah tuma Red Carpet a an thlalak maksak tak avang khan Fox hian beihna neuh neuh a tawh phah a, amaherawh chu heng selna a tawn zawng zawng te hi amah tilartu pakhat ah a tang lel thung a ni.

Tunhnaia hollywood couple zingah chuan Media te bawm nasat ber an ni a tih loh theih loh. Nikum lama Randall Emmett’s crime thriller, Midnight In The Switchgrass an buaipui atang in MGK leh Fox hi intawng an nia, Megan hian kum 10 zet pasal a a neih tawh Brian Austin Green chu a then.

A pasal a thenfel ta maw tih veleh Machine Gun Kelly hnen a pan vat a, chanchin sawi zui pawh a tih tam phah hle a ni. Tichuan kum in May thla khan MGK chuan a Social Media kaltlangin Megan a hmangaih zia hi a auchhuahpui.