Mizo Elite News hi ṭha i tihzawng a nih chuan min lo Follow dawn nia

Machine Gun Kelly a’n inhualna zungbun Megan Fox hnena a pek kha engzat man chiah a hlu nge

Rapper, Machine Gun Kelly leh ‘Transformer’ Actress, Megan Fox te chu hun eng emaw chen an inzui hnu ah an inhual ta a, Nilaini khan an inhual thu hi khawvel hma ah puanzar ani.

Machine Gun Kelly hian a bialnu Megan Fox nupui atan a sawmna ah hian zungbun dangdai tak leh a bik liau liau a siam a bun tir a. Inhual thu a rik chiah khan inhualna zungbun chu mitam tak hriatchian chak a ni.

Megan Fox propose nan MGK hian midang la tih zen zen lohin stone 2 a hmang. Diamond leh emerald a ni a, hei hi an pahnih birthstones ani. Emerald hi Megan Fox birthstone a ni a, diamond hi Machine Gun Kelly birthstone a ni thung. Zungbun design tu hi jeweller Stephen Webster niin 18-carat white gold zeta thuam ani.

MGK chuan mite lo tihdan pangngai ah chuan pakhat chauh a ni thin tih hre mahse Stephen Webster nen zungbun hi an design thu a sawi. Brilliant Earth a Merchandising & retail senior vice president, Kathryn Money in Insider te hnen ah MGK leh Fox te inhualna zungbun hi $300,000 atang $400,000 inkar man a nih thu a hrilh a, US Weekly te erawhin $50,000-$75,000 (£36,000-£55,000) angin an tarlang thung.

Machine Gun Kelly leh Megan Fox hi June 2020 atangin an inzui tan a, inngaizawng anga vantlang hmuha an inlan hma in Fox hian kum 10 chhung pasal atan a neih tawh Brian Austin Green nen May 2020 ah an inthen thu an puang ani. An kawppui hmasa te ve ve lakah fa an nei tawh bawk.