Mizo Elite News hi ṭha i tihzawng a nih chuan min lo Follow dawn nia

Lungngaihna in Bollywood ah thla zar, TV Actor Sameer Sharma a intihlum ve leh

Sushant Singh Rajput thihna in Bollywood a al hneh em em tawh a, a thihna chungchang pawh chinfel ala nih loh laiin TV Actor dang a intihlum ve leh ta.

Kum 44 a upa Bollywood TV Actor, Sameer Sharma chu August 5 (Nilaini) khan Malad a a chenna in luah Neha building, Chincholi Bunder ah thi a hmuh a ni.

Sameer Sharma hi choka a ceiling fan ah a lo inawkhlum a, building a watchman chuan a enthlithlai na lamah a inkhai hi a lo va hmu. Watchman hian Society member te a pun vat a Police te thil thlenna ah hian an ko nghal.

Police lam an thlen hnuah damdawiin hnai berah an hruai. Mahsela doctor chuan a taksa a chhe tawh hle tiin hmuh a nih hma ni 2 liam ta daiha thi tawh kha nia a lan thu a sawi a ni.

Police te chuan Sharma chhungte lam hi an be pawp nghal. Suicide note hnuchhiah engmah a ni lo bawk a, mahni duhthlanna a intihlum ngei nia ngaih a ni. A ruang hi autopsy tura thawn a nih thu Malad police station’s senior inspector George Fernandes chuan a sawi.

Malad a a in luah ah hian Sharma hi mahni chauh in a cheng tih hriat a ni bawk. Amah hi TV Actor a ni a television shows hrang hrang heng ‘Kyunki Saas Bhi Kabhi Bahu Thi’, ‘Kahaani Ghar Ghar Ki’ leh 2009 Hindi film ‘Hasee Toh Phasee’ ah te inlan tawh in, Show a a inlanna hnuhnung ber chu ‘Yeh Rishtey Hain Pyaar Ke’ ah khan a ni. Tunlai Bollywood boruak zet zawng a zangkhai lo ṭhin hle mai.

Indian Express