Mizo Elite News hi ṭha i tihzawng a nih chuan min lo Follow dawn nia

Lui Kama Hnuchhiah Unau Pahnih Te Chu Chhanchhuah An Ni

Eng ang nu leh pa nge maw an nih le. Mahni fate ngei hetiang a han kalsan tawp mai chu. Ngaihtuahna chhete tal pawh an nei ve lo em ni aw.

U.S. Customs and Border Protection (CBP) te chuan unau 2 luikam a hnuchhiah te chu an chhanchhuak a, unau te hi a upa zawk hmeichhia hi kum 2 a upa a ni a, a nau hi thla 3 chauh a upa a ni.

Rio Grande luikam ah chuan an unau hian hmuh an ni. CBP ten Thawhlehni khan him taka chhanchhuah an nih thu Twitter ah an tarlang a, vanneihthlak takin enkawl ngai khawp a hliam na engmah an neih loh thu an sawi.

Naute awmna bawm chhungah hian lehkha a thuziak hmuh a ni a lehkha ah hian an kum zat leh an pahnih a Honduras lam a mi unau dik tak an ni tih a inziak. CBP Del Rio Chief Robert Garcia chuan unau 2 te hi Uvalde Station ah hmun him lamah hruai an ni tawh a ti.

Luikam ah hian a hringtu ten an hnuchhiah nge tih pawh engmah hriat chian a la nilo a, an nu leh pa te hi zawn mek zel a la ni.