Mizo Elite News hi ṭha i tihzawng a nih chuan min lo Follow dawn nia

Lu Lama Inzawm Tlat Phir (Twins) Te Chu Hlawhtling Taka Ṭhen Hran An Ni

A fa pahnih te vang hian an nu pawh hi vawi tam a biangah mittui a luan ve ngei a nia ka rin ni. Nu tana rilru a hrehawm dan tur chu.

Central African Republic a Mbaiki a mi phir (twins) unau hmeichhia Ervina leh Prefina te hi 2018 khan an piang a, mahsela an lu lamah a in hnungchhawn zawng in an inzawm tlat a ni.

Ervina leh Prefina te unau hian nun pangngai zawk an hman chhoh ve theihna tura an lu inzawm tlat chu ṭhenhrang turin ruahmanna an siam ta a, an lu inzawm hi ṭhen hran ngawt theih a nilo a, zirchian hmasak fe ngai a ni. Tihsual a awm a nih chuan nunna chan thei dinhmun ah an ding bawk.

Mahsela Surgeon te chuan an zirchian hnu in mawhphurhna sang tak nen risk an la a, vanneihthlak takin Ervina leh Prefina te hi tluang taka ṭhen hran an ni ta a, hmeichhe naupang dang te angin nun pangngai an neih ve theih phah dawn ta.

Surgery hi Rome khawpuia Bambino Gesu Paediatric Hospital ah neih a ni a doctor 30 zet leh nurse te chu Operation ah hian an tel. Final surgery thleng pawhin an dinhmun hi a ṭhat hle thu hospital lam chuan an sawi.

A fanu te a hrana a han hmu chu an nu Ermine Nzotto pawh in a mittui a dang zo lo. A fanu te chu naupang dangte anga an infiam lai hmuh a nghahhlelh thu a sawi hial a, an puitlin hun ah naupang dangte nunna chhan turin Doctor nih tir ngei a tum thu a sawi bawk.

DM