Mizo Elite News hi ṭha i tihzawng a nih chuan min lo Follow dawn nia

Lu A Inchherchhuan Chunga Step Zawhin Record Thar An Siam Leh

Khawvel hmun hrang hrang ah mihring te hian record bu a hming chuan duh hrim hrim vang te in thil danglam leh dangdai tak tak, midang te tih theih ngai reng reng loh tur hi an lo entir fo.

Vietnamese unau mipa 2 te chuan mak leh rapthlak zawk khawp thil khawvel mit hmuh ah an entir a. Lu ah inchherchhuan chungin chesual miah lovin step 100 lai an zawh kai thei. Hei vang hian Guinness World Record ah an hming a chuan phah leh dawn ta ani.

Second 53 chhung in buai miah lovin step 100 hi an zawhtluan chhuak parh thei a, stunt turu tak hi December 23 khan Girona, Spain a Saint Mary’s Cathedral pawn ah an entir. Cathedral ah hian step 90 thleng chauh a awm a, record an siamna turah hian step 10 hi dawhbelh leh a ni.

Giang Quoc Co, 37, leh Giang Quoc Nghiep, 32 te unau hian December 2016 daih tawh ah khan Saint Mary’s Cathedral ah vek record hi an lo siam tawh a, hemi ṭum hian 52 seconds chhungin step 90 an zawh thei.

Kum 2016 a an record siam hi kum 2 hnu ah 2018 khan Peruvian acrobats Pablo Nonato Panduro leh Joel Yaicate Saavedra te chuan step 1 in an rawn khum a, step 91 an zawh. Kum in ah Giang Quoc Co leh Giang Quoc Nghiep hian an record hlui chu a hma aia tha zawkin an kawl ve leh ta ani.

Hetianga lu inchherchhuan a, balance hlauh miah lova step zawh hi thil awl ai tak a nilo. Vietnam unau te pawh hian an zirna ah inhliam leh tihsual chang an neih ve thin thu an sawi a, khawvawt karah te zing atanga zan thleng practise chang an neih thu Sputnik Việt Nam te hnen ah an hrilh.