Mizo Elite News hi ṭha i tihzawng a nih chuan min lo Follow dawn nia

Kuthnathawk Fanu Ve Mai Kha India Rama Commercial Pilot Naupang Ber A Ni

Tumram thleng tur chuan tuarchhelna leh beih tang tang peihna nun neih a ngai. Mi hlawhtling tur reng reng hi chu an tum ram thleng tura an beihna kawng ah eng thil mah an indal tir ngai lo.

Hmeichhia kum 19 lek a upa Maitri Patel hian headlines a rawn siam a, Maitri Patel hi India ram a commercial pilots naupang ber a ni.

An chhungkua hian Surat, Gujarat a cheng an ni a, chhungkaw hausa leh awmthei ti a sawi tur an ni lo bawk. A pa hi kuthnathawk ve mai a ni a, a nu hi Surat Municipal Corporation a health department ah hna a thawk thung.

Maitri hi a naupan lai atang tawh in mi danglam tak a ni ve a. India Today nen an inkawmna ah kum 8 a nih laia thlawhna a hmuh atang pilot nih hi a tum nghet bur thu a lo hrilh. Metas Adventist School a Class XII a chhuah hnu ah a duhthusam ti puitling turin United States a pan.

US ah hian thla 11 chhungin pilot training programme 18-month course chu a zo fel. A pa Kantilal Patel chuan a fanu duhthusam leh suangtuahna puitlin tur in nasa takin a pui a, an ram neih sa te pawh a fanu zirna senso atan hian a hralh phah hial nghe nghe.

Theihtawp a a beihna chu a tawp ah rah duhawm tak a chhuah thei ta. Gujarat Chief Minister Vijay Ramniklal Rupani pawh in Maitri Patel hi hmaichhan ngei ah hmu in a hlawhtlinna ah lawmpuina a lo hlan ve hial a ni.