Mizo Elite News hi ṭha i tihzawng a nih chuan min lo Follow dawn nia

Lockdown Vanga An Harsatna Chuan A Nupui Nunna Laksakin A Intihlum Ve Nghal

Inkharkhip na avangin mamawh leh chakkhai lam kawngah hmun hrang hrang ah harsatna a thlen a, lockdown vang in nupa inkar ah pawh nunna lakna hial a thlen phah.

March 25 khan Cambridge bul Barrington a chenna in ah nupa te chu thi a hmuh niin, an thihna ah hian Covid19 hri vei vanga nunna chan erawh an nilo.

Nupa te hi Alan Smith, 71 leh Elsie, 71 te an ni. An ruang an hmuh hian a nupui nghawng leh lu ah hliam leh vihna hnu hma hmuh a ni a, a kianga khum lawk ah Alan Smith hi thi a hmuh a ni leh. Alan hi retired painter leh decorator a ni.

Police te chuan he thihna chungchang ah hian chhuihna pawh an nei mumal lo. A chhan chu intihlum nia hriat a nih vang a ni. Lockdown vang hian an nupa hian harsatna an tawh thu an ṭhenawm te chuan an sawi.

Dawr ah an duh ang thil lei tur a awm silo a, Alan hian damlohna a nei a, damdawi a ngai reng bawk. Mahse Covid19 vang hian chhuah ah harsatna an nei a, an dinhmun vang hian an rilru a mangang hle a ni awm e. An ṭhenawm a mi te hian lockdown aṭang an hmel an lo hmu tawh lo a ni.

Dinhmun khirhkhan taka an din vang hian an mangang chuan tiang thil hi an thlen tir ta niin an ring ber a, Alan hian a nupui hi a thah hnu hian a intihlum zui ve nghal a nih an ring.

Metro