Mizo Elite News hi ṭha i tihzawng a nih chuan min lo Follow dawn nia

Lockdown Vanga A Nu In Hna A Chan Hnuah Thingpui Zuarin Pawisa A Thawhchhuah A Ṭul

Covid19 hian thihna ringawt lo harsatna dang tam tak pawh a keng tel a ni. Lockdown vangin nitin in hlawh a ei zawng ṭhin mi sang chuangin hna thawh tur an neih loh phah.

Kum 14 a upa mipa naupang Subhan tia koh hian Covid19 Lockdown vanga an chhungkua in harsatna an tawh thu a sawi. Lockdown vangin a nu in a hna a chawlh phah a, chhungkua in sum leh pai an neih loh vangin thingpui zawrh a pawisa a thawhchhuah a ngaih phah a ni.

Subhan hian Online Class kal chhung chu an chhungkaw tan eizawnga sum thawhchhuah a thlang a, a unaunu erawh Online Class a chhunzawm thung.

Mumbai a Bhendi Bazaar area ah chuan thingpui siam in a bul area Nagpada, Bhendi Bazar leh area dang ah te thingpui hi alo zuar ta ṭhin a ni.

A pa hi kum 12 liam ta khan a boral tawh a, a nu hian an unau in a hmeithai pui. Hrilen hma kha chuan an nu hi school bus attendant ah hnathawk ṭhin in harsa lo takin an khawsa ve thei mai a, mahsela hri vanga Lockdown hian hatsatna namen lo a siam sak.

“Ka nu hi school bus attendant in hna a thawk ṭhin a,mahsela school khar a nih tak aṭang khan pawisa lam ah harsatna namen lo tawkin hman tur tak ngial pawh a awm lo. Kan harsatna min chhawk theih nan thingpui siam in ka zuar ṭhin. Nikhat ah Rs 300-400 te ka hmuchhuak a, ka nu hnen ah pe in a nin a ṭhen a dahṭha bawk. Ka unaunu pawh online class a kal a, kei erawh school reopen veleh chhunzawm ka tum a ni” a ti.

Tiang harsatna tawk hi tam tak sawi tur an awm. Delhi’s Malviya Nagar a kawngsira ei tur zuar nupa kum 80 mi te pawhin in hralhchhuah kawnga a harsat zia hnukulh taka an auchhuah pui hnu ah miten ṭanpuiin rinphak bak a tam customer an lo nei tawh bawk a ni. Hetiang dinhmun a kan la ding em bik lo te hi kan nihlawh in kan va vannei tak em.

IT