Mizo Elite News hi ṭha i tihzawng a nih chuan min lo Follow dawn nia

Live Stream A Neih Laiin A Pasal In A Hâl

Social Media Star pakhat kum 30 a upa chu Live Stream neia recording a tih lai mek in a pasal hlui chuan a nung chungin a hâl.

A pasal hlui in a beih hmeichhia hi Lamu niin Chinese influencer a ni a, a pasal in mei hmanga a hâl na lam ah hian a taksa 90% zet a kangchhia. Thil thlen aṭang chawlhkar 2 hnu ah a hliam tuar lovin a boral phah bawk.

September 14 a thleng kha a ni a, a pasal hlui Tang chu an chenna in ah kal in Petrol in a theh a, a chhungte dang hma ah chuan a hâl ta mai nia tarlan a ni.

Chinese Media te chuan Tang hian Lamu lakah hian phuba a la an ti. Tang hian Lamu hi kutthlak in a sawisa ṭhin a, Lamu hian tuar thei tawh bik lo in an inṭhen phah. Fa 1 an nei hman a, pasal atan a nei leh lo a nih chuan an fa hi thah ah Tang hian alo vau zui bawk.

Lamu hi Chinese version of TikTok, Douyin ah hriat a hlawh in a lar hle. Sichuan province a thingtlang mite nundan vel te a tarlang ṭhin. Hmeichhe dang anga Make Up a hmang lo te chuan amah ngainat a hlawh zual a, Douyin ah hian 7,82,000 followers neiin 6.3 million ‘likes’ lai a lo hmu thei a ni.

IT