Mizo Elite News hi ṭha i tihzawng a nih chuan min lo Follow dawn nia

Little Mix’s Perrie Edwards leh a bialpa Footballer ten chanchin lawmawm an nei

Alex Oxlade-Chamberlain and Perrie Edwards attending the Brit Awards 2019 at the O2 Arena, London. (Photo by Ian West/PA Images via Getty Images)

One Direction member thin Zayn Malik nen an inthen hnuah Zayn an a bialnu Model, Gigi Hadid nen fanu an nei tawh a, tunah Perrie Edwards pawhin chanchin thar a nei ve leh ta.

Little Mix star Perrie Edwards chuan Social Media platform kaltlang in a bialpa England footballer Alex Oxlade-Chamberlain nen an fa hmasa ber tur an beisei mek thu phur tak in a puangzar.

Kum 27 a upa Perrie Edwards hian Thawhtanni khan a Instagram ah baby bump black & white thlalak chu a post a, a thinlung milpui tak nen an zinkawng paltlang dun zawng zawng ah a lawm thu a sawi a,”Me + Him = You. We can’t wait to meet you baby Ox.” tiin an fa lo piang mai tur chu hmuh hlan an nghakhlel hle tawh tih a sawi a ni.

Hetih lai hian Liverpool footballer Oxlade-Chamberlain pawn Perrie thlalak post ang chiah tho hi a Instagram page ah vek a post a, Diaper thlak dang tur ah tunge thurawn min pe dawn tia fiamthu chulin Pa a ni tur chu a lawm zia a sawi ve bawk.

Perrie hian Little Mix a a bandmate Leigh-Anne Pinnock in nau a pai thu a puan hnu lawk ah an chanchin hi a rawn puang zawm ve nghal a ni. Little Mix te hi 2011 a UK’s “The X Factor” TV talent show a hnehna an chan atang an rawn lar chho tan a, Britain’s biggest girl groups hial ni phak in United Kingdom ah boruak an nei lian hle.

Nikum December khan an member zing atang Jesy Nelson in group a chhuahsan fel a, Jesy tel lovin member 3 la awm Pinnock, Edwards leh Jade Thirlwall te chuan Group angin Perform leh Tour an la chhunzawm zel tur thu an puang.