Mizo Elite News hi ṭha i tihzawng a nih chuan min lo Follow dawn nia

Lirthei manto Lamborghini Urus hma ah Kylie Jenner a intheh ṭhil

Forbes in Billionaire List aṭang a hming nawhreh sak tawh mahsela he Reality Star leh Makup Mogul hian sum leh pai ah chuan buaina leh harsatna a tawk lem lo.

A hausakna in hmasawn lam a pan zel a, Billionaire huanga lawi lut leh thut thei reng dinhmun a ding a ni bawk.

Kum 23 a upa Kylie Jenner chu black and white tie-dye outfit nen a lirthei man to Lambourghini Urus sen nalh tak kiangah chhelo takin a in pose nasa hle.

Instagram ah a inthuamna turu tak tak nena darthlalang hma a selfie na thlalak chu a post bawk. “Leo season” tiin caption a vuah a ni.

Kylie in a rawn lanpui Lambourghini Urus hi $207,000 man bawr vel a ni hem bawk. Forbes Magazine chhut danin a hausakna hi tunah 900 million a ni a, billionaire naupang berah reilo te chhung a puang hman zuai.

Lambourghini Urus bakah hian Kylie hian Car chi hrang hrang nalh leh to tak tak a nei nual a, Lamborghini Aventador, Rolls-Royce Wraith, Ferrari 458 Italia, Bugatti Chiron, Rolls Royce Ghost, Ferrari LaFerrari leh Rolls-Royce Phantom te a nei. Mercedes-Benz G63 AMG bakah a car lei hmasak ber Land Rover Range Rover te pawh a la hung ve ran a ni.

DM