Mizo Elite News hi ṭha i tihzawng a nih chuan min lo Follow dawn nia

Lirthei Chhungah A Theihnghilh Vangin A Fanu Pahnih Te A Chan

Hna leh thil dang zawng te ai pawh in fate hi dah pawimawh hmasak ṭhin tur a ni a sin. A fimkhur loh luat avangin a fanu te pahnih in nunna an chan phah.

Japan ram a Takamatsu, Kagawa ah nu pakhat kum 26 mi Maria Takeuchi chuan a fanu te pahnih chu Car chhung ah rei tak a lo khung char char a, ṭhian te nen zu in tur in alo kalsan daih a ni.

A fanu te hi kum 6 leh kum 3 a upa Mayuri leh Yurie an ni. September 2 a thil thleng kha a ni a, 9 p.m aṭang a a tuk 12:40 p.m thleng a fate hi car chhung ah hian an awm.

119 a koh meuh chuan a tlai lutuk tawh. Damdawi in lam pan pui ni mahse a fanu te pahnih hi chhan theih an ni tawh lo. Dehydration in an boral a ni.

Meteorological agency in a tarlan danin September 3 a temperature hi 37.2 degrees lai te a ni a, Car chhung lam ah phei chuan hei ai hian temperature hi a la san leh zual thu an sawi.

Maria Takeuchi hian Emergency lam te hi a be pawp tlai hrim hrim bawk tih hriat a ni a, a fate hi ngaihtuahna a neilo niin an puh. A fanu te hrehawm taka a thih tir vang hian man a ni a, Police te pawhin thil thlen dan hi a kimchang a hriat tumin investigation an nei mek reng bawk.

I fate ṭha taka enkawl kha i mawhphurhna hmasa a ni tih hre tlat ṭhin ang che.

WOB