Mizo Elite News hi ṭha i tihzawng a nih chuan min lo Follow dawn nia

Lionel Messi an PSG zawm fel in Jersey No.30 a ha dawn

FC Barcelona a chhuahsan hnu ah Lionel Messi chuan Thawhlehni zan khan a khelhna tur Club thar a tichiang ta a, Paris Saint-Germain nen contract ziak dun in era thar a chuangkai dawn.

PSG te hian kum 34 a upa Argentina star hi kum hnih daih contract an sign dun pui a, hei bakah hian season khat dang contract hi pawhsei phal sak a ni bawk ang.

Messi chuan “ka career ah Paris Saint-Germain a bung thar ka kai tur hi ka phur tawh khawp mai. squad leh coaching staff te an that zia ka hrechiang bawk. He club leh fans tan thil tha tih ka duh a, khelmual luh hlan pawh ka nghakhlel tawh hle a ni” tiin a sawi.

PSG a Messi hlawh tur chiang tak hi sawi dawt a la nilo na in The Associated Press chuan season khat ah 35 million euros ($41 million) a hlawh ang tih an puang. Messi hian PSG ah hian Jersey No.30 a ha dawn a, No.30 Jersey hi kum 20 liam ta a Barcelona a bul a tan chhoh khan a lo hachhuak tawh bawk.

No10 Jersey erawh PSG ah chuan a thianpa leh former Barcelona teammate Neymar an a ha thung dawn a ni.Neymar a’n a Jersey haklai a ken phal thu ang in sawi mahse a pawmsak duh bik lo a nih hmel. Messi an PSG Jersey a rawn lanpui hi Barca fans te tan zet zawng rilru leh thinlung na a, mittui hial tlakna tur khawp a tling hrim hrim.