Mizo Elite News hi ṭha i tihzawng a nih chuan min lo Follow dawn nia

Lionel Messi An Football Khawvela Mimal Chawimawina Sang Ballon d’Or award A Dawng Leh, Ballon d’Or Organiser Chungah Ronaldo Lungawilo

Football huang bik mimal chawimawina sang bera ngaih French news magazine France Football te buatsaih Ballon d’Or award chu Paris ah sem a ni a, Barcelona legend Lionel Messi hnen ah he Award hi hlan a ni.

Messi hian tun hi Ballon d’Or a dawn vawi 7 na a ni ta chiah a, a ma ngeiin Record alo siam tawh chu a break nawn leh vel mai mai a ni. Award hi a thianpa Luis Suarez chuan hlanna a nei.

Ballon d’Or dawng tura Messi hnaih deuh tu ah Robert Lewandowski, Jorginho, Karim Benzema leh N’Golo Kante te an awm a, pahnihna a awm Robert Lewandowski lakah beiseina a sangin Ballon d’Or chawimawina a dawn ring hman pawh an tam. Amaherawhchu Messi lakah a chan palh ta hlauh a ni.

Nikum 2020 a Ballon d’Or chawimawina dawn phu ber zingah Bayern Munich striker Robert Lewandowski hi a langsar fal nalh. Hripui leng mek vangin nikum khan Ballon d’Or hi sem theih a ni ta lo a. Messi ngei pawh in lawmthu a sawina ah Lewandowski hi winner ni tur khan tu pawhin an pawm vek a mahse pandemic vanga neih theih a nih tak loh vangin a dawng lo mai zawk a ni a ti a,he chawimawina hi a phu zawk thu a sawilang ve hial a ni.

Messi an Ballon d’Or chawimawina a dawn ah hian Cristiano Ronaldo hmel hmuh a ni lo. Ronaldo hi Ballon d’Or organiser a mi France Football editor, Pascal Ferré an a chungchang a sawidan ah a lungawi vak lo a. New York Times hnen ah Pascal Ferré chuan Ronaldo hian a chawlh hma in Messi ai a Ballon d’Or dawn hnem a tum tiin a hrilh.

Ronaldo hian Award sem hma a Pascal Ferré tawngkam a neih chu Instagram kaltlangin a chhanglet a. Pascal Ferré hian dawt chiang lutuk sawiin a hming hmanga inthehlar a tum a ti. A hlawhtlinna chan chu midang er nan a hman loh thu bakah amah leh a team te tan a nih thu a sawi a, chawimawina Ballon d’Or chu tu pawhin lo dawng se a lawmpui tih a tarlang a, dawta puh a nih ah erawh a lawm vak lo.