Mizo Elite News hi ṭha i tihzawng a nih chuan min lo Follow dawn nia

Linkin Park Lamin Complaint An Siam Hnuah Donald Trump Retweet Video Chu Copyright Tiin Twitter In Remove

Donald Trump hian kil tin ah fakna leh selna a dawng. A ṭhen aṭang lawm a hlawh em em laiin sir leh lam aṭang lah huat rawn a hlawh em em mai bawk. Duh tu leh duh lo tu ten an hual vel vek a ni ber.

Twitter chuan President, Donald Trump campaign-style video retweeted chu a remove sak a, Rock group Linkin Park ten an Music te an remtihna leh phalna la hmasa lo a hmang ah Trump hi an puh a cease-and-desist order an chhuah.

Video post ah hian Linkin Park te 2001 a an hit “In the End,” hla telh a ni. White House social media director Dan Scavino in a post hnu ah Inrinni khan Trump hian Twitter ah a rawn retweet ve leh.

Linkin Park te chuan Twitter kaltlang vekin Trump hian an phalna la lo leh remtihna lovin an Music a hmang an ti a. Twitter in Copyright tiin Pu Trump retweet hi an remove sak ta a ni. Remove a nih hnu ah “This media has been disabled in response to a report by the copyright owner.” tiin a inziak kuau mai.

Trump hi Linkin Park te hian an lawm lem lo a. An lead singer boral ta Chester Bennington pawh khan Trump hi alo do nasa hle bawk, Twtter in Trump tweet a remove hnu ah fans lam phei chuan Chester hi thlan aṭang a tho leh an tih phah hial reng.

Linkin Park bakah The Rolling Stone pawhin an hla te chu Campaign na atan hmang tawhlo turin Trump hi thla hmasa khan an hrilh a, legal action lak hial ah an vau zui. An ni bakah Queen, Rihanna, Aerosmith, Adele, Neil Young, Dexys Midnight Runners, Panic! at the Disco te pawn Trumpa’n an Music a hman chungchang ah Complaint an lo nei tawh bawk a ni.

TOI