Mizo Elite News hi ṭha i tihzawng a nih chuan min lo Follow dawn nia

Lil Uzi Vert an a chala Dollar maktaduai chuang man lunghlu a vuah chu tih thlawnin a awm

Midang te ai a danglam nih duhna hian Rapper khawvel ah hmun a luah thuk hle. Pawisa an neih hlek chuan uchuak takin a khawhral dan an zawng nghal zung zung emaw tih mai tur a ni.

Rapper, Lil Uzi Vert chuan a sum tam tham tak hmangin a chal ah lunghlu pink diamond lian tha nelh nawlh a phum/vuah tir a, chhuang tak leh intithei takin February thla liam ta khan a lunghlu hi a lo phochhuak.

Kum 26 a upa, a hming tak Symere Bysil Woods an a chala lunghlu vuah nan hian $24 million zet a seng tih a sawi. Mi thenkhat ten a chala thil hlu a dah hi a nunna atan a hlauhawm thei ang tih an hlauhpui a, hlauh ang ngeiin Lil Uzi Vert hi a chesual palh.

TMZ hnenah Lil Uzi Vert chuan Miami a Rolling Loud music festival an neih ah mipui zinga a zuangthla chu a chala lunghlu hi a fans te a mi chuan an lo thlawn a ti. Hemi hi August thla a Jay-Z’s 40/40 club 18th anniversary a kalna ah a sawi.

Vanneihthlak takin hliam na liantham engmah a tuar lo a diamond hi a chan zui lo bawk. Lil Uzi Vert hian January khan lunghlu hi a vuah. A man a to bawk a, 2017 atang khan a lunghlu man hi a inrul chho tan tawh. Eliantte & Co. lam te kutchhuak niin 10-11 karats zet a ni a, a chenna in leh a lirthei neih te pawh in a lunghlu man hi an hen zo teuh lo.