Mizo Elite News hi ṭha i tihzawng a nih chuan min lo Follow dawn nia

Leonardo DiCaprio leh a bialnu Camila Morrone te tuipui ah an inchhai

1997 ‘Titanic’ Film atanga khawvel in a hmelhriat chhoh leh nula tam tak in an star rawn luai luai thin Leonardo DiCaprio (kum 47) hi a luck viau e tilo chuan ala tlangval tlat. Mahse a tlangval rei lutuk tawh lo mai thei.

Thawhlehni liam ta khan Leonardo hi a bialnu kum naupang zet Camila Morrone nen St. Bart ah hun thawl hmangin an PDA a, keini lam in vawt ti a thlasik kan tawrh nat em em lai khan tuipui ah hmangaih taka infawp in an inchhai kual vel.

Camila Morrone hi kum 24 lek a upa a ni a, val senior Leonardo DiCaprio, 47 nen zawng an kum thu ah chuan a inthlau ang reng viau. Amaherawhchu kum te zawng number mai an lo tih kha.

An pahnih hian kum 5 chhung chu tluang takin an inzui ve tawh a, New Year’s vacation pawh kha St. Barts ah tho hmang dunin Swiss billionaire Ernesto Bertarelli’s yacht Vava II ah chuangin, yacht ah hian Amazon CEO Jeff Bezos leh a kawppui Lauren Sanchez bakah Drake te pawh an tel nuk ani.

Leonardo hian tuna a bialnu hi damchhunga a nupui ni turin a chhai thlu thei ang em tih te pawh hriat a chakawm a lawm.