Mizo Elite News hi ṭha i tihzawng a nih chuan min lo Follow dawn nia

Lemchan Thiam Pakhat Chuan Covid19 Tuartu Te Tanpui Nan A Bike A Zuar

India ram chuan hripui leng mek ah chanchin lawmawm lam reng a nei thei reng reng lo a, a ni tel in a zual telh telh emaw tih mai tur a ni.

Mi thahnem ngai leh milar tak tak ten India in hun khirh a hmachhawn hi hria in theih ang ang in hma an la mek a, Indian milar mai bakah Internation Star te thleng pawh in India ram tan hian an auchhuak nasa tawh hle.

Indian lemchanthiam pakhat actor Harshvardhan Rane chuan a lirthei duat em em garage a hun eng emaw chen alo park tawh chu midang te tan malsawmna a thlen theih ringin a zuarchhuak ta hial.

A Bike hralhna atang a pawisa a hmuhchhuah tur hi Harshvardhan Rane hian Covid19 vei mek tu damlo te tan oxygen concentrators leina turin hman a tum a ni. Royal Enfield nena a thlalak hi Instagram ah phochhuak in leisak thei tur a zawng a, Hyderabad ah oxygen concentrators mamawhna a san hle thu a sawi.

Rane thil tih ropui leh midang tana a luahchhuahna hian a fans te thinlung a ti tuiral a, an chhuang viau bawk. “I thil tih zet hi a va ropui em. I bike i duh leh duat thin zia pawh kan hrechiang a, heti chunga mite puih nana i thil neihhlut ber i hlan thei hi a chhuanawm tak zet zet a ni” tiin a fans te atang fakna a dawng nual hlawm.