Mizo Elite News hi ṭha i tihzawng a nih chuan min lo Follow dawn nia

Leitlangpui Leh Hmun Thenkhat Ah Kangmei Chhuakin Mitam Tak Mangangin An Awm Mek

Nimin zing atang khan Lunglei a kangmei chhuak chuan ziaawm lam aiin zual lam a la pan zel a, he thu buatsaih lai mek pawh hian kangmei hi thelh tuma buaipui mek a la ni.

Kang thelh tur hian tui mamawh ang hmuh theih mai a harsa a, ruah a sur thei bawk si lo nen a manganthlak tak zet a ni. Leitlangpui hi an tui lakna hnar ber Tlawng ah tui a kang nen tui a tlem hle a, mimal tui chawi thin ten kang thelhna tur hian tui chawipuiin kang thelh pawl te nen theihtawp in an buaipui.

Mitin in an theihna zawn ah theuh Lunglei chhan nan an thawk a, tlai dar 2:30PM a Explore Mizoram in a tarlan dan in Lunglei chheh vel kang thelh turin Chief Minister zahawm tak Pu Zoramthanga chuan Indian Airforce te bia in Chief Secretary leh Air force hotu ten sawiho nghal turin ruahmanna hmanhmawh an siam nia thudawn a ni.

Lunglei Additional DC Pu M Misael chuan he kangmei intan dan hi uluk taka chhuichhoh mek a nih thu a sawi a, hun remchang hmasa berah kangmei chhuahna veng VC leh YMA hruaitu te ko khawmin hemi chungchang hi ngun taka ngaihtuah ho a nih tur thu a sawi niin Explore Mizoram chuan a tarlang a ni.

Kangthelh pawl a mi leh mipui zingah hliam tenau tuar an awm bawk tih hriat a ni a, kang thelhtu te pawh nimin nileng leh nizan tlaivar a kang thelh tura an beih hnu ah an chau tawh hle a, mahsela an la beidawng duh lo.

Leitlangpui mai bak ah hmun hrang hrang thingtlang khua thenkhat ah te kangmei vang hian harsatna tawk an awm nual bawk tih hriat a ni a, tawngtaina lamah i hre reng ang u.