Mizo Elite News hi ṭha i tihzawng a nih chuan min lo Follow dawn nia

Leiba Rulh Nan Chanchinbu Kaltlangin A Kal A Zuar

Leiba leh saihlum chu a nget thei lo an lo ti a, leiba ngah leh lutuk pawh rilru tihah tu mai a ni.

South Kashmir’s Qazigund a mi Car dealer pakhat Sabzar Ahmad Khan (kum 28) chet dan hian mi a thawng hle a, a ni hian a leiba a rulh theihna turin a taksa peng a kal (kidney) ngei chu alo zuar.

Sabzar Ahmad Khan hi Qazigund of Kulgam district a Nussu khua a cheng a nia, car dealer a nih bakah hian government- registered contractor a ni nghe nghe. An awmna ah tum 2 lai mai hripui vanga inkharkhip puan a nih hnuin sum lamah harsatna nasa tak a tawk, a leiba ngei pawh a rul thei lo.

Cheng nuai 90 vel teh meuh leiba in a do ur vang chuan a rulh nan hian newspaper ah a kal (kidney) chu a duh leh mamawh tan lei theih in a zuar ta ringawt a “ka kal hralh ka duh a, ka sumdawnna ah engkim chanin leiba nuai 90 lai rulh tur ka nei. Kal mamawh tan biak theih ka ni e” a ti a ni.

Nikum khan Sabzar Ahmad hian nupui a nei a, hetia a kal zawrh hi a chhungte pawh a hrilh hre vek. A leiba atang nuai 61 hi Bank ah a ni a, a dang nuai 30 hi sum hman tirtu midanga a ba te a ni.

Pawisa puk tirtu te hnena a pek kir hleihtheih loh vangin an hmel pawh hmu tha ngam lovin in ah a inkhung tlat a, chanchinbu a a chungchang chhuah a nih hnu in a kal lei tuma be tu pawh an awm nual tawh. Hetianga taksa peng hralh hi India ramah dan phalloh a ni.