Mizo Elite News hi ṭha i tihzawng a nih chuan min lo Follow dawn nia

Kylie Jennner Chu Model Pakhat In Midangte Nuihsawh Leh Hmuhsit Ching Ah A Puh, Kylie In A Chhang Let

Model pakhat Victoria Vanna chuan TikTok kaltlang in Kylie Jenner chu a chhe thei ang berin a mawhpuh a, mi nuihsawh ching leh hmuhsit chingah a puh.

He Model Victoria in a sawidan chuan kum 2015 a Kylie bialpa hlui Tyga music video an buaipui tum ah khan Kylie Jenner leh a hmeichhe thian te an lo kal khawm a, deusawh leh ngainep takin a lakah an che tih a sawi.

Vanna hi Tyga’s music video “Ice Cream Man’ ah khan a inlan. Hetih lai vel hi Kylie leh Tyga te inkawp lai kha a ni. Vanna chuan Kardashian unau hmeichhe zinga naupang ber kha hmuh a chak thin a, mahse a thian te pahnih Jordyn Woods leh Stassie Karanikolaou te nen an lo thlen chiah khan a ngaihdan a danglam dawr phah a, awm nuam lo khawp in an siam ta a ni awm e.

“Ka kal chhuak chu ka chhip atang ka ke ler thleng in min en ngun hle. Chunglam leh hnuai lam nen min thlek tawn sek. Ka lam (dance) te leh ka chungchang chu fiamthu thawhna leh nuihzat atan mai min hmang a ni” tiin Tiktok video kaltlang in a sawi.

Kha thil thleng kha atan chuan rilru natthlak tak a ni tiin a mittui a tla hial a, pawn lama a tlanchhuah pawn Kylie leh a thian te hian an zui zel a, a thusawi hi dawt a nih loh zia tihchian nan Kylie leh a thiante hi Rolls-Royce var in an kal tih thleng in a sawi piap piap a ni.

He thil thleng chungchang hi Instagram Account The Shade Room kaltlang in tarlan a ni a, Kylie Jenner erawh hemi chungchang ah hian a pha nasa hle. “Hei hi engmah a thleng lo hrim hrim” tiin a sawi.

Kylie Jenner arrives for the 2018 Met Gala on May 7, 2018, at the Metropolitan Museum of Art in New York. – The Gala raises money for the Metropolitan Museum of Arts Costume Institute. The Gala’s 2018 theme is Heavenly Bodies: Fashion and the Catholic Imagination. (Photo by Angela WEISS / AFP) (Photo credit should read ANGELA WEISS/AFP via Getty Images)

Kylie Jenner leh Tyga te hi 2017 hma lam kha chuan ni leh nilo ve deuh reng in an inkawp a, an inthen hnu ah Travis Scott nen an inkawp a, tun thlengin chanchin an la nei reng.