Mizo Elite News hi ṭha i tihzawng a nih chuan min lo Follow dawn nia

Kylie Jenner leh Travis Scott ten an fanu Stormi hruaiin Disneyland ah chhungkua in hun an hmang

Reality star, Kylie Jenner leh a bialpa Travis Scott te hi Media leh fans te hma ah chuan inthen ang in an lang tak na in an inkarah buaina engmah an nei lo a, an inthenna hi a der mai chauh a ni. An inkawp lai ang reng tho in an inthen hnu ah pawh hun an la hmang ho zel tho.

Tunhnai khan Kylie hi a fanu pa Travis Scott nen hian pangngai taka inkawp leh turin an in puahchah chho mek thu tarlan a ni.

He thu hi a dik zia tifiah turin Thawhlehni khan Anaheim, California a nuamtawlna hmun Disneyland ah an fanu kum 3 mi Stormi bakah an unaute fanu Dream, 4 te nen an kal ho dial dial.

Kum 23 a upa Kylie Cosmetics CEO hian an chhungkaw hun hmanna thlalak thenkhat hi a Instagram ah a pholang a, Travis leh a fanu Stormi te hlim taka an ride lai thlalak te pawh a tel.

A fanu Stormi tan he Makeup lalnu hian a neih rosum te a ui loh thin zia leh a fanu tan thil changkang leh mawi tak tak a lei nasat zia chu kan hmu fo tawh ang. Stormi piancham lawmna te kha a bawn riap riap viau kha, Kardashian chhungkua te hi chuan engkim a tha ber zel an duh miau a ni.

Dream hi Kylie unaupa Rob Kardashian leh a ex Blac Chyna te fanu a ni a, Kylie pawh in a fanu a hmangaih ang chiahin Dream pawh hi a duat hle bawk.

Kylie leh Travis te hi 2019 khan an inthen thu an puang chiang a, an inthen hlim khan an fanu Stormi tan nu leh pa tha tak nih chhunzawm zel an tum tih sawiin an thutiam ang ngeiin an fanu Stormi hi fanu awhawm berah anla siam chho zel bawk.