Mizo Elite News hi ṭha i tihzawng a nih chuan min lo Follow dawn nia

Kylie Jenner in pasal neih ala tum loh thu a sawi, a bialpa hlui Tyga nen thian an ni hek lo

Reality star leh Makeup Mogul lar tak kum 23 lek a upa Kylie Jenner chu a bialpa Travis Scott nen an inhnimhnaih leh hnu atang ngaihven a hlawh zual a, Keeping Up With The Kardashians reunion ah chuan Kylie hian a hmangaihna leh hma hun lo awm tura a thil beisei chungchang a sawi.

Host Andy Cohen an Kylie hi Stormi pa Travis Scott nen an inkar diktak a zawh chuan tlang takin inneih an la tum hnaih loh thu a sawi a, pasal nei turin rilru ala siam lo a ti a ni.

“Tunah rih chuan pasal nei turin ka la inngaihtuah chhin lo. Amaherawhchu a hun tur a inherchhuah ah chuan engtikni ah emaw pasal chu ka la nei ve ngei ang” tiin Kylie hian nui chungin a sawi.

Host in fans atang an chhungkaw Show ah hian Stormi pa an beisei ruk reng laiin engvanga tel ve lo nge a nih tih a zawh leh chuan Kylie chuan Travis Scott chu Show vela inlan a duh loh thu leh inlan tur pawh in a nawr luih ngai lo tih a hrilh a ni.

Tin, a bialpa hlui Tyga nen an chungchang zawhna a dawn ah Tyga nen thian tha an nih loh thu a sawi bawk a “thian kan nilo a, mahse engkim a tha vek. A tan a tha ber ka duhsak a, a lakah rilru chhia ka pu lo hrim hrim” a ti.