Mizo Elite News hi ṭha i tihzawng a nih chuan min lo Follow dawn nia

Kylie Jenner In A Fanu Phochhuak In A Lirthei Man To In Mit A La

Stormi hi a rawn piang chiah tihin nun nuam tak a nei nghal a. A nu atang rengin rethei takin a seilian dawn lo a ni tih chu a chiang sa khawp mai.

Fanu neihchhun tih takah duat pawh a hlawh em em a,a fanu thlalak tharlam tak a post pawh in ngaihven a hlawh zui hat reng.

He Reality Star kum 23 a upa Kylie Jenner hian a fanu kum 3 mi Stormi thlalak hi a post a, thlalak ah hian Reality star chhungkua atanga chawrchhuak tih hriat takin bag nen zei takin a in pose at.

Thlalak hnung lam ah a nu Lamborghini Aventador serthlum rawng nalh zet a inhung ran bawk. Kylie Lamborghini Aventador hi a man pawh a turu khawp a, $400,000 zet a ni.

Kylie hi lirthei lawm uchuak ve tak a ni a,2018 khan $225,000 Mercedes G-Wagon a lo lei hmak tawh bawk. Stormi hi February 1, 2018 khan a piang a, a bialpa Travis Scott nena an fa neihchhun liau liau a ni bawk.

2019 ah Kylie leh Travis te hian an inthen thu puangin an inthen hnu ah pawh Stormi tan hian nu leh pa tha tak an la ni chhunzawm reng tho a ni.

Kylie hi tunhnai khan a nu (a pa) Caitlyn YouTube channel ah a inlan a, hetah hian a unaunu Kendall nen Caitlyn an koh dan chungchang a mite lo ngaihdan thin te a sawichhuak. Caitlyn hi a hma chuan an pa a ni a, mahsela a hnu ah a landan chu hmeichhia in a thlak danglam.