Mizo Elite News hi ṭha i tihzawng a nih chuan min lo Follow dawn nia

Kylie Jenner in a fanu pa Travis Scott nen an inkawp leh tawh tih thuchhuah ah a pha nasa hle

Billionaire makeup mogul, Kylie Jenner chu a fanu Stormi pa Travis Scott nen an inkawp thar leh tiin chanchinbu hrang hrang in an chhuah chungchang ah insawifiahna a nei.

Kylie leh Travis te inkawp leh thu hi TMZ leh E!News lian tak tak ten an chhuah a, hei hi chhungkua a Disneyland a hun an hman hnu deuh lawk khan a ni. TMZ hian Travis leh Kylie te hi an ni leh tawh a, an inkar erawh a thiangzau hle thung. ‘open relationship’ angin inkawp turin an remti ang in an tarlang.

Kylie Jenner hian Travis nena an chungchang Media ten an chhuah hi Zirtawpni khan Twitter kaltlangin a chhang let a, Kylie hi a thinrim hle bawk a ni tih hai rual a ni lo.

Engmah thudik hrechiang hmasa lova an duh duh sawi lo tur leh hetiang a dawt a inpuh hi fimkhur loh vang leh inzahlohna a ni tiin a sawi a, Media te chu an duh duh Article chhuah lo turin a khak.

Kylie leh Travis te hi September 2019 khan inthen in an fanu Stormi tan nu leh pa tha tak nih chhunzawm zel an thlang a. Inthen chung reng in inhaw chuang silo in chhungkua in hun an hmang ho thin a ni.