Mizo Elite News hi ṭha i tihzawng a nih chuan min lo Follow dawn nia

Kylie Jenner A Lamborghini Nen A In Theh Thil E

Entertainment huangchhung uap lum thin em em tu te chu Kardashian leh Jenners chhungkua te hi an ni ti ila sawisual a tam awm lo ve.

Kardashian chi leh kuang te lar zia leh sum an ngah zia chu kan hre theuh ang. Hmeichhe lama naupang ber Kylie Jenner pawh hi kum 23 lek ni mahse sum leh pai ten a hnung lam ah an umzui ruih ruih a ni ber ang chu.

Thawhtanni khan Kylie Jenner hi Los Angeles khawtual ah a lirthei changkang tak nen a chhuak hmuh a ni a,a inthuam dan nalh leh inhmeh tak hian amah ngaisang tu tleirawl te mit a la leh pek khawp bawk.

Kylie hian Gas Station a panna ah a Lamborghini sen nalh tak in a inkhalh a,orange cocktail dress mawi tak a inbelchhuak a ni.

Tun hi a unaunu half-sister Kim Kardashian in a pasal hausa tak leh Rapper ni bawk Kanye West thenna a file hnua Kylie hmuh hmasak berna a ni nghe nghe. Kim K leh West te inkar vang hian Kardashian chhungkua pawh tunlai chu chanchin sep sep an ngah chhoh vanglai tak a ni.

Makeup line ah hriat theuh angin Kylie Jenner hi a hlawhtling rem rem viau a, a fanu duat nena an hman sen loh khawp sum chu a kawl tan reng. Travis Scott nen fanu kum 3 a upa Stormi an nei a, Travis Scott nen hian Public ah inthen in awm mahse a inkawp lai ang reng thovin an inkar a tha chho zel.