Mizo Elite News hi ṭha i tihzawng a nih chuan min lo Follow dawn nia

Kyal Sin Ruang Endik Chungchang Ah Rinlawk Ang Ngei Thil Sawi A Awm

Kyal Sin hi hriat ang in Nilaini kalta khan zalenna suala kawng zawhna ah a lu ah tak silai hmanga kah niin a nunna a chan a, kum 19 lek ni chunga a boral hma lawka thu a hnuchhiah zawng zawng te hriat a nih hnuin khawvel in a ngaisang.

A vuina ah pawh mitam tak inlanin thlahna an nei. Angel-i ruang hi a boral tuk ah ropui takin Aye Yeik Nyein Cemetery ah vuiliam a ni.

Amaherawh chu Zirtawp tlai khan sipai ten thlanmual ah Angel ruang vui fel vek tawh chu an phawrhchhuak leh ngat a, enfiah turin an kalpui. Hetia ruang phum tawh an lak leh kher chhan hi midang te pawn an hrethiam lo a, sipai te hian an hmai phihfai an tum tih erawh an chiang.

Sawi leh rin ang ngei ngei in ruang lakchhuah a nih hnu ah Sipai lam atang thu thar sawi awm a tarlan a ni a, Angel nunna laksakna hmanrua hi sipai ten an hmanraw hman a nilo tiin an chhal leh ta hmiah.

Angel hi Chinese thisen kai a ni a, a Chinese hming pawh Deng Jia Xi a ni. Hei vang hian China laka an hmaibalh aia hlauhawm dang Myanmar sipai te tan hian eng nge awm ang. Ram dang hrekna an hlauh loh em em chhan ah hian puitu an nei ru reng thei a ni.

Myanmar buaina ah hian UN te pawn mumal an nei lo. Ram thenkhat te ngaihdan a sir he nual a, ramchhung buaina a nih vanga inrawlh loh mai tha ti zawk an awm bawk.